დათო არახამია - საჭირბოროტოდ

 (ხმები: 2)


საჭირბოროტოდ

უმანკოებას ამკობს სიმშვიდე,
უხმობს ძველ გზირებს მყობადის მრწამსი.
გამოიკვეთა ნიღბის სიფითრე,
დასახვეწია მეობის ფასი.

თვით დაჯერება ნისლში ნამყოფი,
არ არს მალამო მწველი იარის.
აფორიაქდა აზრის ნაყოფი,
დაოსებული ყოფის იარით.

ჩემი არსების ზნეობრივ წურვამ,
ვერ ითავისა წუმპე გოლგოთად.
ვისიგრძეგანე განცდილი ურვა,
საჭირბოროტოდ მცნებას რომ მოჰყვა.

დათო არახამია




ტექსტის სანახავად გაიარეთ რეგისტრაცია.