დათო არახამია - მინდა რომ

 (ხმები: 3)


მინდა რომ

ლაჟვარდს რომ ცრემლები დასცვივდა,
შორეთში გრგვინავდა გრიგალი.
ბინდბუნდის ჩამსხვრეულ სარკმლიდან,
გამოკრთა ნატიფი ცისკარი.

მე მაინც ამემღვრა გონება,
აღტკინდა ფიქრების ლაშქარი...
უებრო წარსულის ცხონებამ,
აბრწყინა მომავლის ცარგვალი.

ტატნობზე გამოჩნდა როს რაში,
მინდა რომ გიხილო ღვთაებად.
აღზევდა აისის მირაჟი,
გავყუჩდი და ენაც დამება.

დათო არახამია




ტექსტის სანახავად გაიარეთ რეგისტრაცია.