დათო არახამია - ფიქრებს ავყევი

 (ხმები: 1)


ფიქრებს ავყევი

მდელო ადუღდა სხივთა თაკარით,
ჭალამ გაშალა ზურმუხტის ფარჩა.
სტრიქონში წივის მარცვლების ქარი,
რითმის გნიასში სიცხადე არ ჩანს.

ჟამის მსხვერპლი ვარ, რადგან ცოდვილი.
გიზგიზა ცეცხლი სულში ანთია;
დადუმებული და გათოშილი,
ტოროლას ხმაში ვეძებ განთიადს.

უკანასკნელი ჰანგით შევთრთოლდი,
ფიქრებს ავყევი,ვკითხულობ რისთვის?...
მინდა დავეცე როგორც მებრძოლი,
გაუცხოებულ სიმართლის თქმისთვის.

დათო არახამია




ტექსტის სანახავად გაიარეთ რეგისტრაცია.