ბადიშ ხურსილი - ერთი კვირტი მომიტანე გაზაფხულის

 (ხმები: 0)


ერთი კვირტი მომიტანე გაზაფხულის
გამიღიმე, შენეული ღიმილით
ოღონდ მოდი, გელოდები ამორძალო
თუნდაც, დილის უჩვეულო ნისლივით
უშენობით გაცვდა თვალთა მზერა ჩემში
და ლოდინმა ლოდების ცა მათოვა
(ჯადოსნური მოვიარე უცხო მხარე
მაგრამ, ფრთები არავინ არ, მათხოვა)
მხოლოდ.შენ ხარ, აღმაფრენა და სიცოცხლე
მოჩითული სულში იასამნები
გრძნობის მთებზე ალმასივით შეფენილი
სიყვარულის ფერი, იალაღები...
ეს, თავნება ოცნებები რას მერჩიან
ან, ეს ფიქრი რატომ, თავს არ მანებებს
მე ხარი ვარ,და ფრიალი ბედისწერის
უსაშველო ტკივილებით მახელებს...
შენს სხეულზე დაცვარული ჩემი ვნება
ბაგეებით მისხალ, მისხალ ავკრიფე
გული როგორც, სიყვარულის გასაღები
სულის ძაფით, მთვარის სხივზე დავკიდე...
ვერ დავწერე, უშენობის მონატრება
(გაზაფხულმა გზაზე გადამიარა)
ვერ, ვერევი საკუთარ თავს ეს ოხერი
პოეტი ვარ, თორემ, ღმერთი კიარა...
ერთი კვირტი მომიტანე გაზაფხულის
გამიღიმე, შენეული ღიმილით
ოღონდ მოდი, გელოდები ამორძალო
თუნდაც, დილის უჩვეულო ნისლივით...

ბადიშ ხურსილი



Loading...

ტექსტის სანახავად გაიარეთ რეგისტრაცია.