მორის ფოცხიშვილი - ცოცხალ დედინაცვალს, მკვდარი დედაჩემი მირჩევნია

 (ხმები: 1)


ცოცხალ დედინაცვალს,
მკვდარი დედაჩემი მირჩევნია,
ამდენ ყალბ ღიმილს
ერთი წრფელი ცრემლი მირჩევნია.
გუდრონ-ფილაქანს
აბალახებული მიწა მირჩევნია,
უცხო ლიანდაგს
ჩემი საცალფეხო ბილიკი მირჩევნია.
ღვინოს დამადლებულს,
დაუმადლებელი წყალი მირჩევნია,
ლხინს გალიაში
ცაში სიკვდილი მირჩევნია.
სამეფო ხალათს
უფლის გაცრეცილი კვართი მირჩევნია,
უაზრო ლაპარაკს
უაზრო ხეტიალი მირჩევნია.
ერთობის თამაშს
აშკარა მტრობა მირჩევნია
და ამდენ ტრაბახს,
სულაც ხმის ჩაწყვეტა მირჩევნია.
სრულ ჭკუაზე მყოფს,
გაგიჟებული გული მირჩევნია
და ამდენ მაძღარ ძაღლს,
ერთი მშიერი მგელი მირჩევნია.
ყველა ჩირაღდანს
ერთი საშობაო სანთელი მირჩევნია,
და ცოცხალ დედინაცვალს
მაიც, მკვდარი დედაჩემი მირჩევნია



Loading...

ტექსტის სანახავად გაიარეთ რეგისტრაცია.