მერაბ სალუქვაძე - პატრიოტული

 (ხმები: 7)


პ ა ტ რ ი ო ტ უ ლ ი

მე ასე განვლე ჩემი ცხოვრების ოქროს წუთები
წუხილი–დარდი, ჩემს გულს არასოდეს არ მოკლებია,
ვერ გამოვიცან, ამ სიცოცხლეში მე რა მინდოდა
ამ სამყაროში ტკივილის მეტი რა დამრჩენია.
მადლიან მიწას სადაც წმინდაანთ ფეხი აუდგამთ
მიწას რომელიც გადავაქციეთ მტრების საჯიჯგნად,
როგორ ვინძლო, რაღა ვიფიქრო,ისევ ამქვეყნად
როცა სამშობლოს ასე უჭირს გულგასახეთქათ.
ვეღარ შევნატრი მე ამ სიცოცხლეს იმ ნეტარებით
რადგან ცხოვრებამ, სავალ გზაზე უკან დამხია,
მზეც კი გამკრთალდა მე რომ მიყვარდა იმ შემართებით
მე ამ ცხოვრებას ვერ შეველევი, მე ქვად მაქცია.
ჩემი სამშობლოს, გულის ფეთქვას რა დამავიწყებს
გადათვლილი მაქვს ყველა კენჭები შენაგროვები,
ცაში შევყურებ ყველა ვარსკვლავი ჩემთვის კაშკაშებს
მთაში ბულბულიც გალაღებული ამაყად სტვენის.
ამ ცხოვრებაში, ბევრი,სიკეთე კაცობა ვთესე,
ნათლად ვიარე ძნელად სავალი ყველა ბილიკი,
უკვე მოვასწარ ხალხის წუხილს უმანკოებას
ჯავრად მიმყვება მე ჩემი ქვეყნის გზა და დიდება.
ცოდვებმა აწრთო, მთელს ჩვენს ქვეყანას, სიბნელე დასდევს
რკინის ჯაჭვებით გადამბული სიცოცხლეს ვებრძვით,
გაუყიდიათ მავანთ, ერთ მუჭა ოქროდ, მთელი სიმდიდრე
ის არ იციან სიცოცხლის ფასად, სისხლს რომ დავანთხევთ.
სწრაფად გადიან ეს სანუკვარი ოქროს წუთები
დღე– ღამეს მოსდევს და სარეცელთან ჩამძინებია,
დამსიზმრებია ჩემი განვლილი ცელქი ბავშვობა
თმებში ჭაღარა სამშობლოს ფიქრში შემომრევია.
ღმერთო, მე შეგთხოვ, შენზე ვილოცებ სანთლებით ხელში,
მე დაგიჩოქებ, მუხლმოდრეკილი ავალ ტაძართან
გთხოვ დამილოცე გააერთიანე ქართველი ერი,
სული შთაბერე სანამ მყესში ჩქეფს სისხლი ანკარა.
გთხოვ, ამისრელე ყველა სურვილი რაზეც მე ვილტვი
თუკი მაჩუქე ღმერთო სიცოცხლე ცრემლებით სავსე,
ავალ გორაზე და სიმაღლიდან მე შემოგძახებთ
თქვენ გაგიმარჯოთ ქართველებო, ამ ნათელ გზაზე.




ტექსტის სანახავად გაიარეთ რეგისტრაცია.