მერაბ სალუქვაძე - მონატრება

 (ხმები: 0)


მონატრება

მენატრები, ტიალ ფიქრში დავიღალე
დაბნელდება, ისევ კარგო მემალები,
გარიჟრაჟზზე ცრემლი ტირიფს მოეხვევა
შენ სიყვარულს ზღვის ტალღებსაც მოვუყვები.
მე ვიცი რომ უშენობა გამომრიყავს
სავალ გზებზე დიდი მახე აიგება,
მაგრამ რა ვქნა მენატრები დავიღალე
ერთხელაც ხომ ზღვის ტალღები აზვირთდება.
მენატრები უკვე ძალზე გვიანია
მე ლოდინით იცი? როგორ დავიღალე,
ისევ ვამბობ დრო ყველაფრის მკურნალია
მაგრამ ვაი, უკვე ძალზე გვიანია.
შენი ტრფობით იცი როგორ დავიღალე
ბაღთან ვდგავარ გელოდები ტიალია,
გელოდები, სიყვარულზე მოგიყვები
ვხვდები უკვე ნაპერწკლები ჩამქრალია.
დამაბრალე თუკი დროში ჩაგეკარგე
გახსოვს მითხარ ჩემს მეტი არ გყვარებია,
წინ დამიდგა ოცნებებში შენი სახე
მონატრება, წუხილითაც გაილია.
ისევ დამსდევს შენს ფიქრებში აჩრდილები
ხეებსაც კი ბოლო ტოტი გახმობია,
ახლა რა ვქნათ იქნებ მითხრა ნეტარების
შენი სუნთქვის აკორდები ჩამქრობია.
უკვე მიკვირს ვნებით აშლილს დავიღალე
შენს ტუჩებსაც სიტკბოება დაკარგვია,
წავალ დავწერ, სტრიქონს ისევ მონატრების,
სანამ მუზა ჯერ კიდე არ გამქრობია.

13.11.2014

მერაბ სალუქვაძე



Loading...

ტექსტის სანახავად გაიარეთ რეგისტრაცია.