ივლიტა გოლეთიანი - ხმა აფხაზეთიდან !

 (ხმები: 4)


დაბრუნდით! ხეებს მოედო ფითრი!
მგონი ამ ქარებს ახელებს წყევლა!
ნააღსარებზე გულის ხმას ითვლი
და ჯავრის ნაკერს კემსავ და კემსავ!

დაბრუნდით! სად იყო საწყისი, საყრდენი!
ნასახლარ კერაზე ქარი შლის საბუდარს,
ნაყვედრი სინდისით გაივსო საყდრები,
და ესაკიდება ღამეს და ნაქურდალს!

გააძღეს ჰაერით ფილტვები მშიერი,
გათანგეს და მერე აპკურეს იაზმა,
იმედი ასუნთქეს მწუხარე იერით,
რომ მერე მოეკლათ! მოელკათ წინასწარ!

დაბრუნდით! ამ ხეებს ფითრის კლავს საფარი!
მზე კვდება გოროზად და ისე ლამაზად!
დაბრუნდით! აქ სისხლი ჩქეფს ვიდრე ძარღვებში
სხვა არ ღირს წუხილად და დავიდარაბად!




ტექსტის სანახავად გაიარეთ რეგისტრაცია.