ნანა სელეპანოვა - მითხარი რომ

 (ხმები: 0)


მითხარი, რომ გაქრა
ყველაფერი კარგი,
ყველაფერი წმინდა,
ყოველდღე მიმტკიცებ,
რომ უჩემოდ გაძლებ,
ჩემთან აღარ გინდა!
მითხარი, რომ გძულვარ,
აღარ გინდა ნახვა
ჩემი ალუბლების,
ნუ შეგაკრთობს ჩემი
დარდიანი სახე
და უხმოდ, რომ ვქრები!
მე აღარ მსურს მითხრა,
რომ გიყვარვარ ძლიერ,
სხვების დასანახად,
ვერ მიბედავ თქმას და
ვიცი, მიმატოვებ
სამუდამოდ წახვალ!
მითხარი და წადი,
მიმატოვე მარად
მონაცრისფრო ბინდში,
შენს ლოდინში ღამეს
არ ვათენებ უკვე,
და მე აღარც ვტირი!
მხოლოდ გაფერმკრთალდა
ჩვენი წარსული და
მწველი მოგონება,
დარჩი ჩემთან, დარჩი,
ჩვენი სიყვარულით,
განვაცვიფროთ ყველა!



Loading...

ტექსტის სანახავად გაიარეთ რეგისტრაცია.