ნანა სელეპანოვა - პასუხის პასუხი

 (ხმები: 0)



ყოველი ჩხუბი, განშორება არის ტრფიალი,
თვალებში, მაინც მოლოდინი ჩაგბუდებია...
ისევ დაეძებ... იქნებ, ახლა არის გვიანი,
მაგრამ გული - გულს სიყვარულით ჩახუტებია.
სიზმრებში ისევ ის მოდის და კვლავ არ გასვენებს,
მისი დანახვა, მუდამ ძლიერ გაგხარებია,
ჰანგები ისევ გაბრუებენ, წვიმაც გასველებს...
მაგრამ დარაბა არასოდეს ჩაგიკეტია.
დრო არ გახუნდა, არც ფერები შემოეძარცვა,
და ბუნებაში ყველა ფერი, ნაზი ფერია,
შემოდგომასაც, თუ სიყვითლე შემოეპარა,
სიხარულისთვის სხვა დღეები შემორჩენია.
თუ გულით გიყვარს, მოლოდინიც არის ადვილი,
გაუგებრობა სიყვარულში,მართლაც ძნელია,
ნურც ამ სიშორეს,ნუ განსაზღვრავ მცდარი მანძილით,
როს დავიწყება, გულს არასდროს გაჰკარებია.
ვიღაცა, თუკი თვალს გადევნებს, აბა დაფიქრდი,
იქნებ, სიძულვილს სიყვარული გამოპარვია,
თუმცა ჭაღარამ შეუვერცხლა დარდი და ფიქრი,
მას ჯერ სიბერე იცოდე არ შემოპარვია!
თუ არ გიყვარდა დიდი ვნებით,რა ბედენაა?
ბედს არ ემდურის, არასოდეს დაუკვნესია,
და თუ შეხვედრა ერთი დიდი განშორებაა,
არც ამ შეხვედრას არაფერი დაუგეგმია!



Loading...

ტექსტის სანახავად გაიარეთ რეგისტრაცია.