ნანა სელეპანოვა - ბედნიერი ხარ?

 (ხმები: 2)


ბედნიერი ხარ? კვლავ მეკითხები,
მითხარ,რა ვუყოთ სევდიან წარსულს?!
გულს მე არავის არ გადავუშლი,
და მხოლოდ, შენგან მოველი პასუხს.
დრო მიჰქრის,სადღაც თავაწყვეტილი..
ამბობ, უჩემოდ, ცეცხლში იწვები,
წვიმა გისველებს ცრემლიან სახეს,
მე წვიმად, ვეღარ მოგევლინები.
შენ რომ წახვედი და მიმატოვე,
საათს მოაკლდა ტკბილი წუთები,
არა მგონია, რომ დაგიბრუნდე
და ვერც ვერასდროს ჩამეხუტები.
მე არ მეღირსა შენთან რანდევუ,
არც ლაჟვარდს ვწყვეტდი ყვავილებიდან,
ედემის ბაღშიც სხვები ხარობდნენ
და დაგვცინოდნენ, ნეტარებისგან.
იმედი გაქვს,რომ მე შენთვისა ვარ,
კვლავ ნაპერწკალი სიყვარულისა?
ახლა,ათასჯერ თუგინდ მითხარი,
რომ გეყვარები წრფელი გულითა.
შენ დაიღალე ჩემი ლოდინით
და თან ცხოვრებამ, უკან დაგწია,
მეც მარტოსული დავეხეტები,
წითელი კაბაც, აღარ მაცვია!



Loading...

ტექსტის სანახავად გაიარეთ რეგისტრაცია.