ნანა სელეპანოვა - დავხუჭავ თვალებს

 (ხმები: 1)


ნანა სელეპანოვა დავხუჭავ თვალებს

დავხუჭავ თვალებს და მოგინატრებ...
დღეს,ისე ძლიერ მსურს შენი ხილვა,
როგორც ირემი მთასა მყვირალი
მოუხმობს,თავის ნანდაურს მთიდან.

დავხუჭავ თვალებს,ისე ვინატრებ...
შემომეფეთო კვლავ იქნებ სიზმრად,
იქ დასრულდება ჩვენი ტრფიალი,
ასე რომ მტანჯავს და მაინც მხიბლავს.

დავხუჭავ თვალებს და გამიტაცებს
შენზე ფიქრები... გაჰყვება ნიავს...
მერე თვალთაგან,ცრემლი მდინარი
ჩამოიმარცვლებს გაწყვეტილ მძივად.

დავხუჭავ თვალებს,აღარ გინატრებ,
აღარც მოგელი ოცნების გზიდან,
გადაგიყვარე... და დამცინავი
ღიმილი თვალებს ჩააკვდა მტირალს!



Loading...

ტექსტის სანახავად გაიარეთ რეგისტრაცია.