ნანა სელეპანოვა - იქნებ

 (ხმები: 1)


ნანა სელეპანოვა - იქნებ

სულ ჩემთანა ხარ, ძილშიც და ცხადშიც
და მინდა, მუდამ, რომ იყო ჩემთან,
ჩემი თვალები გიხმობენ კრძალვით,
მოდი, განდევნე, ეს უხმო სევდა.

მთელი ცხოვრება, შენ ერთს გეძებდი,
მანამდე ვიყავ, მთლად მარტოსული
და მე არ მინდა არვინ,შენს მეტი,
შენ ერთს მოგელის,შეშლილი გული.

გინდა? მოგიყვე,მწველი სიზმრები,
როგორ დაგეძებ წვიმაში,ქარში,
სიზმრად მჯეროდა, ჩემთან იქნები
სიხარულშიც და მწუხარებაშიც.

იქნებ, ეს გრძნობა, ოდესმე ჩაქრეს,
იქნებ, ცრემლებმა გული დაღალა,
იქნებ, ოდესმე კარს შემოაღებ
მეტყვი, ნუ წუხარ, მე ხომ აქა ვარ.

მოდი, მოგხვიო წელზე ხელები,
რომ მოვიშორო ეს მწველი ფიქრი,
ჩვენ ვერასოდეს, ვერსად შევხვდებით,
თუმცა, რა ვიცი, ეს ღმერთმა იცის!



Loading...

ტექსტის სანახავად გაიარეთ რეგისტრაცია.