მერაბ სალუქვაძე - შეხვედრა სიყვარულთან

 (ხმები: 0)


შეხვედრა სიყვარულთან


ჩაფიქრებული მე შენ წინ ვდგავარ
და ჩამოგშლია, თმებზე ნაწნავი,
გთხოვ, ნება დამრთო, მოგიახლოვდე
მე შენითა ვარ, კარგო, დამთვრალი.

როგორ გიხდება ეს გაბრაზება
და გაბუტული მწველი ტუჩები,
რას მემართლები, იქნებ დაფიქრდე,
იქნებ ბედი ვარ, შენთან მოსული.

წამო, წავიდეთ, ნაზი დინებით..
ქვეყანა ერთად შემოვიაროთ,
მე შენ მიყვარხარ, ერთხელაც გეტყვი,
იქნებ გამიგო და შემიყვარო.

და გარიჟრაჟზე მე შემოგფიცებ,
წამომართული, ლურჯი იებით,
გეტყვი ამაყად, მე შენ მიყვარხარ
და შენს სიყვარულს დაველოდები.

მინდა ჩაგიკრა, მოგიალერსო
და შემოგფიცო მთელი არსებით
მეც ხომ კაცი ვარ, გაითავისო
შენს გულში ვიჯდე დროგამოშვებით...

მე ახლა, შენს წინ, დაღლილი ვდგავარ,
გაბრუებული, შენზე ფიქრებში..
და მიხარიხარ, რომ შემომცქერი
და შენს სიყვარულს დაველოდები.

21.08.2014.

მერაბ სალუქვაძე



Loading...

ტექსტის სანახავად გაიარეთ რეგისტრაცია.