მერაბ სალუქვაძე - ფერისცვალება

 (ხმები: 1)



ფერისცვალებამ, თუკი მოგისწრო,
დგახარ ზაფხულის თვითგასაყართან,
ფერი იცვალა ზეცამ, ბუნებამ
და სიხალისეც, სადღაც გამქრალა.

მალე ფოთლები დაიწყებს ჭკნობას
და მზე ზენიტში ჩაიმუხლება,
და აჭრელებულ ზაფხულის ფერებს
ბუხართან ჯდომა ჩაენაცვლება.

ფერი იცვალა დიდმა, პატარამ,
და სევდა გულში შემოგვპარვია,
წყალში ყინვაც კი, ჩასვენებულა
ქარებს ღიმილი გაუტაცნია.

ვერა, ვერ შეცვლის ბუნება ელფერს
და ძველებურად, ისევ დარჩება,
თვით უწიგნურნიც, წამოყოფს თავს და
ბრძენსაც ისევე დაეტოლება.

კვლავ მოგვადგება კარზე ზაფხული,
და ეს ცხოვრებაც, კვლავ გაგრძელდება..
ისევ მოგვისწრებს ფერისცვალება
და შემოდგომას დაელოდება.

20.08.2014 წელი

მერაბ სალუქვაძე



Loading...

ტექსტის სანახავად გაიარეთ რეგისტრაცია.