მერაბ სალუქვაძე - ვერ შეგელევი

 (ხმები: 1)


ვერ შეგელევი

რა უცნაურად დავშორდით იმ დღეს,
ცრემლი გვდიოდა, ზღვას ერთვებოდა..
შენი ჩურჩული მე კარგად მახსოვს,
ჩემს გულს მალამოდ გადაფარვოდა.

მე შენ გაჩუქე გვირილის კონა
და კმაყოფილმა, თავი დახარე,
მე შენთან მინდა, რამდენჯერ გითხრა,
ძლიერ მიყვარხარ, შენ გენაცვალე.

გადაიარეს რამდენმა წლებმა,
კვალი დატოვეს განშორებისა,
მე სისხამ დილით, შენს ფანჯარასთან
ვზივარ და მოვთქვამ, ჩვენს სიყვარულსა.

ისევ ჩამესმის მუსიკის ჰანგი,
ალერსი შენთან, აღარ მეღირსა,
მე შენ ვერასდროს, ვერ შეგელევი,
გეტყვი, მიყვარხარ, მთელი გულითა.

ისევ დადგება ის გაზაფხული
და მონატრებაც, გულში გაივლის,
ისევ დაგიკრეფ, ყვავილის კონას
და სურნელება, სულში დაგივლის.

მე გაზაფხულის შემობრძანებას
სუნთქვასთან ერთად, დაველოდები...
დღის გარიჟრაჟზე, ხელში კალათით,
ია ვარდებსაც, გადაგიკრეფდი.

მე ახლა უკვე, დაღლილი ვდგავარ
და მონატრებამ, გული გამიპო,
მე ისევ გნატრობ და აღარ ვიცი,
ზღაპარია, თუ სიცხადე იყო..

კვლავაც ჩამესმის, ძველი ჰანგები,
ბრამსი, მოცარტი, ბახი, შოპენი,
ლამაზ მუსიკით გაჯერებული
ვდგავარ სარკმელთან, ჩაფიქრებული...

29.08 2014

მერაბ სალუქვაძე



Loading...

ტექსტის სანახავად გაიარეთ რეგისტრაცია.