ზვიად კეჭაყმაძე - წვიმს და ტუჩებზე მადნება სევდა

 (ხმები: 5)


წვიმს და ტუჩებზე მადნება სევდა..
ისევ გეძახი და მუდამ გელი...
იცოდე, მუდამ მემახსოვრება,
როცა მიყვარდა ღიმილი შენი....

წვიმს და წვეთები მასკდება შუბლზე,
მე, ისევ ვდგავარ ქუჩაში მარტო...
ვარ ოცნებების დაკარგვის ზღურბლზე,
და წვიმის წვეთებს არაფრად ვდარდობ...

წვიმს, ჩემი გულიც გაგიჟდა მუნჯი...
და ისევ ვნაღვლობ, ისევ მარტო ვარ...
მე მიყვარს ცაზე ოცნება ლურჯი,
ღრუბელმა ობლად რომ მიატოვა...

წვიმს, ჩამოიქცა ცა მგლოვიერე...
და წვიმად ისევ ჩამომდის ცრემლი...
ვარ უნაყოფო, ხე მსხმოიარე...
რომელიც თავის გაჩენას სწყევლის...

წვიმს და ვიხსენებ შენს ბოლო ამბორს...
მე, ჩემი უკვე ბოლომდე შევსვი...
მიყვარხარ, ამას, დღეს ყველა ამბობს,
მაგრამ სულ სხვაა ეს ჩემი ლექსი...




Loading...

ტექსტის სანახავად გაიარეთ რეგისტრაცია.