დათო ალოური - უფლის ნებით შემომხვდი



უფლის ნებით შემომხვდი და ყოველდღე
მილამაზებ დილასა და საღამოს...
შენც პატარა გოგოსავით მომენდე,
ჩემი ხარ და მეთბილება სამყარო.

ვინ რა იცის, ხვალ იქნება დავშორდეთ,
მერცხლებსაც კი უნგრევენო საბუდარს...
როცა გიყვარს, კიდეც უნდა ბავშვობდე,
ეჭვობდე და იფერებდე გაბუტვას...

როცა გიყვარს, ვეღარ დათმობ, იცოდე,
სიყვარულთან სიძულვილი არ ხარობს...
მიყვარხარ და მილამაზებ სიცოცხლეს,
ჩემი ხარ და მეთბილება სამყარო.




Loading...

ტექსტის სანახავად გაიარეთ რეგისტრაცია.