ნიკა ნორიელი - სიშორიდან სიახლოვემდე

 (ხმები: 10)


ნიკა ნორიელი - სიშორიდან სიახლოვემდე
სიახლოვიდან სიშორემდე არც თუ ბევრია,
თუმც არც ახლოა სიშორიდან სიახლოვემდე...
და თუ წარსულთან შეგუება ყველას ბედია,
მაშინ არ ვიცი რას ვცდილობდი მე აქამომდე...

მაგრამ ამ დრომდე არ მქონია მე სხვა დროება,
და ამ სიზმრამდე არ მინახავს მე სხვა სიზმარი...
იქნებ ცხოვრებამ მომანიჭოს რამე წოდება,
რომ აღარ ვკითხო ჩემს გონებას ჩემში - ვინ არის?

რომ აღარ მძულდეს ყველა დილის ჩამოღამება,
რომ მარტო მყოფელს მე შემეძლოს ჩემი ატანა...
თუმცა არ მინდა მე არაფრის გადაგვარება,
( გაორებულად სიცოცხლემ კი ცოტა დამღალა )

ცოტა დამღალა არსებობის არარსებობამ,
ცოტა დაბლაგვდა სიტყვებისგან ნაჭედი ხმალი...
და მე არ მსურს რომ დედამიწის ამაოებამ,
ჩემზეც დატოვოს წარუშლელი,უხეში კვალი...

და თუ წარსულთან შეგუება ყველას ბედია,
მაშინ არ ვიცი რას ვცდილობდი მე აქამომდე...
სიახლოვიდან სიშორემდე არც თუ ბევრია,
თუმც არც ახლოა სიშორიდან სიახლოვემდე.



Loading...

ტექსტის სანახავად გაიარეთ რეგისტრაცია.