მე დღეს შენზე ოცნებით ღამე უნდა ვათიო.

 (ხმები: 4)


მე დღეს შენზე ოცნებით
ღამე უნდა ვათიო.
შენ კი ისევ მაბრაზებ
და მეც ისევ გპატიობ.

რა ვქნა, ვერ გაგიწყრები,
(რომ ,,გეჩხუბო" კი მინდა)...
ვერ დავეშვი ჯერ კიდევ
სიყვარულის კიბიდან.

თუმცა შენი შემყურე
ზოგჯერ ბედსაც ვუჩივი,
გავხდი დიდი ბავშვივით
საწყალი და
გულჩვილი.

...ვიცი
დღესაც დარეკავ:
-მშვიდად გაათიეო,
არ მეცალა,
ვერ გნახე,
რა ვქნა, მაპატიეო.

მე კი შენზე ოცნებით
ღამე უნდა ვათიო,
მეასეჯერ მაბრაზებ,
მეასეჯერ გპატიობ.


დათო ახლოური



Loading...

ტექსტის სანახავად გაიარეთ რეგისტრაცია.