შოთა ნიშნიანიძე - ლომი



ზაურ ბოლქვაძის პორტრეტისათვის

–ლომო, როგორ ხარ?–
მოგიკითხავენ
და გპატიჟებენ ლუდზე ბიჭები.
მასპინძლის უღელს თვითონ ითავებ
და ყველას იქით ეპატიჟები.
ლომის პარიკი ბევრს შეუკვეთეს
და მეტოქეებს ჰყოფენ კასტებად...
არ გაგიკვირდეს:
ლომზე უმეტეს
ლომის ნიღაბი თუკი ფასდება...
თავს გადააქნევ უკმაყოფილოდ,
ლომს ჯერ სიზმრები არ აგხდომია:

–ცხოვრება თურმე ცირკი ყოფილა
და ცირკის ლომი რაღა ლომია.



Loading...

ტექსტის სანახავად გაიარეთ რეგისტრაცია.