გილოცავ ჩემს დაბადების დღეს დე...

 (ხმები: 2)


დედა ისე ვარ,სულ არ მინდა,რომ მერქვას შვილი,
მარტივად მინდა,რომ თავიდან დამბადო, იქნებ…
დედა ცოდვებით სული ისე გავტანჯე,ტკივილს-
სულისას მე კი არა და ეს ცაც ვერ იტევს.

ლექსიდან ”დედას”


გილოცავ ჩემს დაბადების დღეს დე...

დედა ისე ვარ ახლა მინდა,რომ მერქვას შვილი,
ისევ მივლიდე და ძილის წინ მკოცნიდე თბილად,
ჩემსკენ ყოველთვის მოპყრობილი თვალების წყვილით
ისევ მიყურებ,მაგრამ უკვე სხვაგვარად მცივა...
იცი? ისე ვარ,ყველაფერი მინდა რომ დავთმო,
მინდა ბავშვობა მოვიხურო ზამთარში ქურქად,
რაღაც საოცრად მიმძიმს ახლა,მინდა რომ გავძლო
მინდა სამყარო ფერადი და თუმცა დღეს კუშტად
ვუყურებ ზეცას,მაინც ვიცი ხვალ მზე ამოვა,
ისევ ამოვა და სამყაროს მოქაგავს მზისფრად,
მე უკვე დიდი გოგო ვარ და აღარ გამოვა,
რომ ძველებურად შენს მკლავებში ვიტირო მშვიდად.
დედა ისევ ვარ, დედა მქვია ,მაინც შენ გნატრობ
მინდა მივლიდე და ძილისწინ მსახავდე პირჯვარს
უკვე დიდი ვარ,ოცდაშვიდის ვხდები და ვამბობ
დედა მადლობა,რომ ამ ქვეყნად ცხოვრება მინდა


ლიკა ჭელიძე





















Loading...

ტექსტის სანახავად გაიარეთ რეგისტრაცია.