დამაწაფე მაგ შინდისფერ ბაგის ბადაგს

 (ხმები: 2)


დამაწაფე მაგ შინდისფერ ბაგის ბადაგს,
გავილეშო,დავივიწყო არსობა!
დოქის ბაგე ვუარყავი უყოყმანოდ,
ღვინით არა,ქალით მიყვარს დათრობა.
ნატიფ ხელებს ნუ იფარებ დეკოლტეზე,
მწყურვალ თვალებს რად წაგლიჯე ზღაპარი,
ბოროტებას ბოროტება მოსდევს მუდამ,
ან ამაზე ბოროტება რა არის:
მწყურვალს წყაროს დაწაფება აუკრძალო,
მხედარს მერნის ჯირითი და ჭენება,
სილამაზე მოფერებას გაურბოდეს,
სიცოცხლეს კი სურდეს გადაშენება.
დამაწაფე მაგ შინდისფერ ბაგის ბადაგს,
გავილეშო,დავივიწყო არსობა.
დოქის ბაგე უარყავი უყოყმანოდ,
ღვინით არა,ქალით მიყვარს დათრობა.



ენვერ სალაყაია



Loading...

ტექსტის სანახავად გაიარეთ რეგისტრაცია.