ქრისტეს სხეული ჯვარზე გაკრული

 (ხმები: 0)


ქრისტეს სხეული ჯვარზე გაკრული,
მოკვდავისაგან ელის გარდახსნას,
ვიცი,შენც გტკივა დიდი ტკივილი
და თანაც გჯერა ეშმას გარდაქმნაც
ჰოი,უძლურო,უმწეო სახევ!
-წყალწაღებულის ხავსის იმედი...
ჩამოჰკარ ზარებს,ჩაჰბერე საყვირს,
უნაყოფოდ ნუ მიედინები!
ჯვარცმული ქრისტე-ძლევის სიმბოლო,
ცისა და მიწის მწიფე ნაყოფი,
ეშმა-უდავოდ მდაბიო ვნება,
კაცის კეთილი სულის დამყოფი.
ქრისტეს სხეული ჯვარზე გაკრული,
მოკვდავებისგან ელის გარდახსნას,
ჩვენ გვესმის ქრისტეს დიდი ტკივილი,
მაგრამ რად გვჯერა ეშმას გარდაქმნაც?!



ენვერ სალაყაია



Loading...

ტექსტის სანახავად გაიარეთ რეგისტრაცია.