დავიწყება

 (ხმები: 8)


გარდავიცვლები, ვიცი, ორშაბათს,
ჟამს მიმწუხრისას,
ჟამს შებინდების
და ისე, როგორც ჩრდილი ბოშათა,
დამდაფნავს ღამე შავი დიდებით.

სამშაბათს მოვა ვინმე კეთილი
და ზედ გულმკერდზე დამიკრეფს ხელებს
და ჩემებრ მჭლე და ცრემლდაწრეტილი,
აქვითინდება პატარა ღელე.

ოთხშაბათს კიდევ იქ, კოპიტნარში
წყვილ ცრემლს ჩამოყრის ცირა, ტეხურთან,
ხუთშაბათს ქარი მწუხარე მარშით
სამძიმარს ეტყვის დედას მხედრულად.

პარასკევს, დილით შენც ატირდები,
რომ დაკარგე, გიყვარდა ვინაც,
შაბათს კი მოვლენ დები ნიმფები
და მიმღერებენ გულმშვიდად მძინარს.

კვირას კი ცხედრით ჩემს კუბოს, მზიფერს
მიაბარებენ საფლავს მდუმარედ,
გადაეცემა სული ტირიფებს
და დამივიწყებს ყველა უმალვე.




ტექსტის სანახავად გაიარეთ რეგისტრაცია.