ესაძე რეზო

 (ხმები: 1)


ცნობილი კინორეჟისორი, მსახიობი, მხატვარი, პოეტი რევაზ პარმენის ძე ესაძე დაიბადა 1934 წლის 18 თებერვალს. 1956 წელს დაამთავრა თბილისის სახელმწიფო უნივერსიტეტის ფიზიკის ფაკულტეტი, 1965 – საკავშირო კინემატოგრაფიის ინსტიტუტის სარეჟისორო ფაკულტეტი (მ. რომის სახელოსნო). 1963 – 75 კინოსტუდია “ლენფილმის” რეჟისორი იყო. 1975–იდან მუშაობს თბილისში კინოსტუდია “ქართულ ფილმში” და სატელევიზიო ფილმების სტუდიაში.
გადაღებული აქვს ქართული მხატვრული ფილმები “ერთხელ” (1962), “ყოველ შაბათს” (1972, ბუდაპეშტის (უნგრეთი) საერთაშორისო კინოფესტივალზე დაასახელეს საუკეთესო საზღვარგარეთულ ფილმად, 1974), “ერთი ნახვით შეყვარება” (1974, I ადგილი როტერდამის საერთაშორისო კინოფესტივალზე, 1987), “ნეილონის ნაძვის ხე” [1984; I ადგილი როტერდამის საერთაშორისო კინოფესტივალზე, 1986; გრან–პრი ადელინოს (იტალია) საერთაშორისო კინოფესტივალზე, 1986]. შესრულებული როლებიდან აღსანიშნავია ვარლამი (“ქალაქი ანარა”, 1976, გრან–პრი მამაკაცის როლის საუკეთესო შესრულებისათვის გაბროვოს (ბულგარეთი) საერთაშორისო კინოფესტივალზე, 1977), მეკურტნე გიო (“თბილისი – პარიზი – თბილისი”, 1980), მედუქნე გასპარა და მწყემსი სოსიკა (“ზოგი ჭირი მარგებელია”, 1983), ლეონარდო (“ლეონარდო”, 1992) და სხვა.
ესაძის პერსონალური გამოფენა მოეწყო თბილისში (1986, 1991), მიუნხენში (1990), ჟენევაში (1991), თელ–ავივში (1998). 1975–იდან ეწევა პედაგოგიურ მოღვაწეობას. 2001 გამოაქვეყნა ლექსების კრებული.
დაჯილდოებულია ღირსების ორდენით (1995). 1980 წელს მიენიჭა საქართველოს ხელოვნების დამსახურებული მოღვაწის წოდება.



Loading...

ტექსტის სანახავად გაიარეთ რეგისტრაცია.