ქართველიშვილი გიორგი - Qartvelishvili Giorgi



გიორგი ქართველიშვილი (1827-1901) ცნობილია მისი მნიშვნელოვანი საქველმოქმედო საქმიანობით, რომელიც ძირითადად ქართულ ისტორიასა და კულტურას უკავშირდება.

1888 წელს, მისი თაოსნობითა და აქტიური მხარდაჭერით შეიქმნა ცნობილი უგრელი მხატვრის, მიხაი ზიჩის მიერ გაფორმებული “ვეფხისტყაოსანი”. ე.წ ქართველიშვილისეული გამოცემა.

ასევე აღსანიშნავია ის, რომ 1885 წელს გ.ქართველიშვილის დახმარებით გამოიცა ვახუშტი ბაგრატიონის საქართველოს ისტორია (დიმიტრი ბაქრაძის რედაქტორობით). ეს ჭეშმარიტად ქართველი მამულიშვილი ბევრ სასიკეთო საქმეს ედგა სათავეში. ეხმარებოდა ბევრ სასწავლებელს და აქტიურ მონაწილეობას იღებდა იმ დროინდელი საზოგადოებისათვის მნიშვნელოვან საკითხებში.

გარდა ქველმოქმედებისა, გიორგი ქართველიშვილი აქტიური საზოგადო მოღვაწე იყო. იგი იყო ქართველთა შორის წერა-კითხვის გამავრცელებელი საზოგადოების გამგეობის წევრი და ხაზინადარი. 1883-1885 წლებში, ქართველიშვილი გამოსცემდა იმ დროისთვის ცნობილ ქართულ გაზეთ დროებას.
ასევე გიორგი ქართველიშვილის შემწეობით ხელახლა აშენდა აღა მაჰმად ხანის მიერ 1795 წელს დანგრეული დიდუბის ღვთისმშობლის ეკლესია, 1880-1884 წლებში, რომელშიც იგი თავად არის დაკრძალული, მის მეუღლე, თამარ მჭედლიძესთან ერთად.



Loading...

ტექსტის სანახავად გაიარეთ რეგისტრაცია.