გომელაური ნიკო - Gomelauri Niko



ნიკო გომელაური დაიბადა ქალაქ თბილისში 1970 წლის 12 ივლისს. იგი გახლავთ ქართველი მსახიობი და პოეტი. 1992 წელს დაამთავრა შოტა რუსთაველის თეატრისა და კინოს უნივერსიტეტი. მუშაობს გრიბოედოვის თეატრში,არის კოტე მარჯანიშვილის პრემიის ლაურეატი. 2009 წელს მას აღმოუჩინეს ფილტვის კიბო. პირველი როლი თეატრალური ინსტიტუტის სპექტაკლში “გუშინდელნი” ითამაშა. ლექსების პირველი წიგნი 2001 წელს გამოსცა. სულ გამოცემული აქვს ხუთი პოეტური კრებული. მიღებული აქვს კოტე მარჯანიშვილის სახელობის პრემია, ბრესტისა და ტრაპზონის საერთაშორისო თეატრალური ფესტივალების პრემია მამაკაცის როლის საუკეთესო შესრულებისთვის. ნიკო გომელაურმა დაახლოებით ერთი თვის წინ ჟურნალ "გზასთან" ინტერვიუში თქვა: "ყოველთვის უნდა გვახსოვდეს, რომ ამ ქვეყანაზე ბოროტებისთვის კი არა, სიყვარულისთვის ვართ გაჩენილები. ნამდვილი გრძნობით ნათქვამი "მიყვარხარ" არასოდეს გაუფასურდება..." ნიკო გომელაურს მონაწილეობა უნდა მიეღო ფონდ “იავნანას” საქველმოქმედო საღამოში, თუმცა ჯანმრთელობის მდგომარეობის გაუარესების გამო მონაწილეობა ვერ შეძლო.

ფონდმა მისი სახელით სამ მრავალშვილიან ოჯახს ბინა გადასცა. ნიკო გომელაურს ეკუთვნის “იავნანას” ცნობილი სლოგანიც - “მე მინდა, მქონდეს თბილი სახლი”.

ნიკო გომელაური 2010 წლის 13 აპრილს გარდაიცვალა.

ნიკო გომელაურს მეუღლე და ორი შვილი დარჩა.



Loading...

ტექსტის სანახავად გაიარეთ რეგისტრაცია.