საღარაძე გურამ - Sagaradze Guram



გურამ საღარაძე დაიბადა 1929 წლის 12 იანვარს თბილისში, მსახიობ გიორგი საღარაძის ოჯახში.
1951 წელს დაამთავრა შოთა რუსთაველის სახელობის თეატრალური ინსტიტუტი და იმ დღიდან რუსთაველის თეატრის მსახიობია.
პროფესიონალიზმი, მაღალი გემოვნება და ოსტატობა, რომანტიკული გარეგნობა და შინაგანი მომხიბვლელობა, მჟღერი, ძლიერი ხმა და მუსიკალობა, ქართული სიტყვის არჩვეულებრივი შეგრძნება გურამ საღარაძის შემოქმედებით პალიტრას ყველასგან გამოარჩევს. ერთმანეთისაგან სრულიად განსხვავებული, მკვეთრი სახასიათო სახეები მაყურებელთა წარმოსახვაში მყარად ჩაიბეჭდა.
ათეული წლებია გურამ საღარაძე მეტყველების ხელოვნებასა და კულტურას ასწავლის შოთა რუსთაველის სახელობის თეატრალურ უნივერსიტეტში და ახალგაზრდებს თავის ცოდნასა და გამოცდილებას უზიარებს.
თეატრი ჩემი ცხოვრებაა, ჩემი სიყვარული, ჩემი არსი და... პოეზია, -ამბობს გურამ საღარაძე.

გურამ საღარაძის როლები:

დონ ხაიმე - "ესპანელი მღვდელი" 1954 წ. რეჟ. მ. თუმანიშვილი
თეზევსი - "ზაფხულის ღამის სიზმარი" 1964წ. რეჟ. მ. თუმანიშვილი
მასხარა - "მეფე ლირი" 1966წ. რეჟ. მ. თუმანიშვილი
შუ ფუ - "სეჩუანელი კეთილი ადამიანი" 1969წ. რეჟ. რ. სტურუა
იაზონი - "მედეა" 1971წ. რეჟ. რ. სტურუა
ჰოვსტედი - "ექიმი სტოკმანი" 1972წ. რეჟ. რ. სტურუა
კეისარი - "იულიუს კეისარი" 1973წ. რეჟ. მ. თუმანიშვილი
ჭეიშვილი - "საბრალდებო დასკვნა" 1973წ. რეჟ. რ. სტურუა
ყაზბეგი, ეფრეიტორი, მღვდელი -"კავკასიური ცარცის წრე" 1975წ. რეჟ. რ. სტურუა
კუდიანი - "მაკბეტი" 1995წ. რეჟ. რ. სტურუა
სერ ტობი - "მეთორმეტე ღამე ანუ როგორც გენებოთ" 2001წ.რეჟ.რ.სტურუა
გრიგოლი - "მოხუცი ჯამბაზები" 2008წ. რეჟ. გ. კაპანაძე
და სხვა...

მიენიჭა:

1961 წელს - საქართველოს დამსახურებული არტისტი.
1973 წელს საქართველოს სახალხო არტისტის წოდება.
1976 წელს - რუსთავის საერთაშორისო თეატრალური ფესტივალი "ოქროს ნიღაბი", გრან-პრი კუდიანის როლის შესრულებისათვის ("მაკბეტი", რეჟ. რ. სტურუა).
1977 წელს - შოთა რუსთაველის სახელობის სახელმწიფო პრემია ქართული პოეზიის პოპულარიზაციის საქმეში ნაყოფიერი მოღვაწეობისათვის.
1979 წელს - საბჭოთა კავშირის სახელმწიფო პრემია როლებისათვის: ყაზბეგი, ეფრეიტორი, მღვდელი ("კავკასიური ცარცის წრე", რეჟ. რ. სტურუა).
1998 წელს - ლვოვის საერთაშორისო თეატრალური ფესტივალი "ოქროს ლომი", პრიზი კლავდიუსის როლის საუკეთესო შესრულებისათვის ("ჰამლეტი" რეჟ. ა. ვარსიმაშვილი, თბილისის თეატრალური ცენტრი).
2001 წელს თბილისის საპატიო მოქალაქე გახდა.
გურამ საღარაძე მონაწილეობს შემდეგ ფილმებში: "ბაში-აჩუკი"-1956წ., "მამლუქი"-1958წ., "პალიასტომის ტბა"-1963წ., "ნუცა"-1971წ., "დათა თუთაშხია"-1977წ., "დიმიტრი II"-1982წ., "მიდიოდა მატარებელი"- 2005წ. და ა.შ.
2006 წლის 13 ნოემბერს რუსთაველის თეატრში გურამ საღარაძის შემოქმედებითი საღამო გაიმართა. შემდეგ კი პაატა ბურჭულაძის საქველმოქმედო ფონდ "იავნანას" თაოსნობით თეატრის წინ მსახიობის ვარსკვლავი გაიხსნა.



Loading...

ტექსტის სანახავად გაიარეთ რეგისტრაცია.