ქალი სულ მოლოდინშია

 (ხმები: 5)


ქალი სულ მოლოდინშია,
სულ სიყვარული სწყურია,
უფლის ხმებით და დუმილით
გაბრწყინებული გულია.

ნამივით აუმღვრეველი,
სალამურივით უბრალო,
ვინც ხატად უწამებია,
ეწირება და უგალობს.

სიცოცხლეს გაგილამაზებს,
როგორც აისი ყანასა,
შენთვის არ დაერიდება
არც ხანძარს,არცა დანასა.

ზეციერისგან ნაკურთხი
ღვინო,თაფლი და პურია,
უსიყვარულო დღეები
მისთვის ბნელი და კრულია.

ქალი სულ მოლოდინშია,
სულ სიყვარული სწყურია.



ვაჟა ხორნაული




ტექსტის სანახავად გაიარეთ რეგისტრაცია.