სულის ამოსვლამდე "მე მოგიტან წყალს" ი. ჩარკვიანი

 (ხმები: 11)


სულის ამოსვლამდე

"მე მოგიტან წყალს"
ი. ჩარკვიანი



სულის ამოსვლამდე ვიყვირებ იმ სიტყვას,
რომელიც შენ გტკივა, რომელიც გაწუხებს.
პასუხად მივიღებ მაგნიტურ მიზიდვას
და ღმერთი პირველად იღბალსაც გვაჩუქებს.
ვით წიგნაკს აგავსებ პირადი განცდებით,
იმ გრძნობას გაგიმხელ - "მან"-ზე რომ იწყება,
იმ ქუჩას მოვივლით სადაც სულ გავთბებით,
ერთმანეთს გავიხდით ოცნებებ-მიზნებად.
არასდროს ვიჩხუბებთ და თუ კი გავბედეთ,-
გავჩუმდეთ, თვალების ენაზე ვიმსჯელოთ,
უბრალოდ ერთურთის ყურებას დავჯერდეთ,
ერთურთის ფერებით გულები ვიჯეროთ.
და უხილავებმა, ჩვენ უჩინარებმა,
ერთმანეთისებმა სხვისთვისაც ვიცხოვროთ...
წუთიც კი, სოფლიდან ვერ გაიპარება,
ისე, რომ დავნებდეთ, რომ აღარ ვიბრძოლოთ.
და ალბათ სახეზე ამაყი ღიმილით,
სიბერეს შევხვდებით, შემდეგ კი სიკვდილსაც,
აგრეთვე ბოლო წუთს,-იმ სიტყვის ყვირილით,-
"მან"-ზე რომ იწყება შენს გვერდით ფიქრისას.

ავტორი: გიორგი მორბედაძე













ტექსტის სანახავად გაიარეთ რეგისტრაცია.