ფიქრის ტევრები

 (ხმები: 2)



ვიცი ,გაგყიდე ოცდაათ ვერცხლად,
ვიცი ,უარი სამჯერ ვთქვი შენზე.
ვიცი,არ ვზიდე მე შენი ჯვარი
და მე გაგაკარ ლურსმნებით ხეზე.
მე დაგიწანი ეკლის გვირგვინი
თავზე,რომ გედგა აღდგომის დილას.
მე დავახიე შენს სხეულს კვართი,
მე დავცინოდი შენს დედებს მტირალს.
მე არ მჯეროდა აღდგომა შენი,
გიხილე სანამ სახე შეცვლილი.
მე ვიყავ ბაღში,რომ შეგიპყარი,
ეშმაკისაგან გონზე შეშლილი.
ის ავაზაკიც მე ვიყავ გვერდით,
შემიწყალეო...რომ შეგევედრე.
ის სინანული ციდან მოსული
მადლობ უფალო,რომ შემახვედრე...
და ესეც მე ვარ ცოდვის მხილება,
მუხლმოდრეკილი და წარკვეთილი,
გთხოვ მომიტევე ყველას ნაცოდი
ვიცი,მოწყალე ხარ და კეთილი.




ტექსტის სანახავად გაიარეთ რეგისტრაცია.