სარკის წინ დიდხანს ჩერდება ქალი

სარკის წინ დიდხანს ჩერდება ქალი,
ეალერსება სხეულს თითებით...
ქუჩიდან უმზერს ათასი თვალი,
სურვილით, შურით და გაფითრებით.

ქალი კი დიდხანს იმეტებს ღიმილს
და სხვათა ვნებებს ურცხვად აღვიძებს...
რა დაშავდება, ის ერთი ღილიც
ჩამოწყდეს ახლა შეხსნილ საკინძეს...


დათო ახლოური


არა ვარ მე შენზე ნაწყენი

არა ვარ მე შენზე ნაწყენი,
ღმერთია მოწამე,
უბრალოდ ეჭვებმა შემშალეს,
ეჭვებმა მომწამლეს...
არ ვიცი ახლა რა მიშველის,
არ ვიცი რა გიყო...
სჯობია შევრიგდეთ, კამათი
არავინ გაგვიგოს...
თუმცა კი არ არის საშველი,
ვერ გამოვსწორდები,


მე ჯერაც არ მყვარებია არავინ

მე ჯერაც არ მყვარებია არავინ
ისე, როგორც შენ მიყვარხარ ახლა.
ჩემს ფიქრებთან გაგიშლია კარავი,
მოგწყინდება ერთხელაც და... წახვალ.
თუმც არ ვიცი, წასვლას როგორ ავიტან
ან იმედებს როგორ დავთმობ ხვალის...
იქნებ სჯობდეს, რომ მომენდო თავიდან,
როცა შენში გაიღვიძებს ქალი.


ვაჟა - ფშაველას

ვაჟა - ფშაველას

ფშაველი რომ ვარ
ღვთის მადლია
რაღა თქმა უნდა,
აქ ქვაც საუბრობს,
მისტიური
ხდება ყოველი...
მიწა მეძახის,
ფუძე მიხმობს
გაბიდაურთა,


თურმე ოდითგანვე ასე ხდება

თურმე ოდითგანვე ასე ხდება -
როცა ვინმე გიყვარს, ვერ ივიწყებ,
ჩვენი საუბრები მახსენდება
და ფიქრს მომავალზე შენით ვიწყებ...

დღესაც სიყვარულს ვერ მოვერიე,
ჩუმად იღვენთება კელაპტრები.
შენთვის გავიღებდი ყოველივეს,
ისე უსაშველოდ მენატრები...


წლები და ჭაღარა მემატება

წლები და ჭაღარა მემატება,
აღარ ვარ ლაღი და მხიარული...
ზოგჯერ კი ბავშვობა მენატრება,
ცალ-ცალი ქოშებით სიარული.

ძველის ნოსტალგია მომეძალა,
გული ვეღარ გულობს დაღდასმული...
ღმერთო, გადარჩენის მომეც ძალა,
ღმერთო, დამიბრუნე გარდასული.


უკვე დაგავიწყდი

უკვე დაგავიწყდი,
უკვე დამავიწყდი,
აღარ გამიხსენებ ალბათ მე.
აღარც გენატრები,
აღარც მენატრები,
აღარც მოგონებით გამათბე.
დღეს შენ - შენ არ ხარ და,
დღეს მე - მე არ ვარ და,
ვიცი, აღარც სიზმრად მნახულობ.


თავსხმა წვიმაში გალუმპულა

თავსხმა წვიმაში გალუმპულა
მეზობლის გოგო,
ეალერსება სველი კაბა
შიშველ თეძოებს.
ამ ნიაღვარში,
ამ თავსხმაში
არ ვიცი როგორ,
მაგრამ ვხედავ, რომ
მოსდებია ცეცხლი ეზოებს...


მინდოდა შენთვის რაღაცა მეთქვა

მინდოდა შენთვის რაღაცა მეთქვა,
მინდოდა მაგრამ, რა ვიცი, ვერ ვთქვი.
როგორ მიყვარხარ, ხომ იცის ღმერთმა.
გარდასულ დღეთა მოწმეა ღმერთი.




მყავს საყვარელი ქალი

მყავს საყვარელი ქალი,
ქალი, რომელიც მათბობს.
მთვარის ჩრდილივით მკრთალი,
ანგელოზივით სათნო.

მყავს საყვარელი ქალი,
ვის გამოც უფალს შევთხოვ-
შენი მოწყალე თვალი
არ მოარიდო ღმერთო!

დათო ახლოური