დათო ახლოური - სიყვარულის საღამოა


სიყვარულის საღამოა,
აღარა ღირს
შეყოვნება...
სულ არ მინდა
შორს რომ მყავდეს,
ჰოდა,
გვერდით მეყოლება.


დათო ახლოური - როცა უყვარხარ და როცა გიყვარს


თუ უყვარხარ და რჩეულს გიწოდებს,
თუ გაგაღმერთებს ქალი მხოლოდ შენ,
უნდა გიყვარდეს როგორც სიცოცხლე,
უნდა იბრძოლო მისთვის ბოლომდე.


დათო ახლოური - აღუვსებელი საწყაული ხდება საწუთრო


აღუვსებელი საწყაული ხდება საწუთრო,
ბედნიერების ძიებაში თუკი მოცდები...
როგორ გავბედავ დაგიჩემო, დაგისაკუთრო,
ისე კარგი ხარ, მეშინია შენზე ოცნების...


დათო ახლოური - თბილი ღამეა

თბილი ღამეა,
მშვიდი და მკრთალი,
შენზე ფიქრებში
გავყუჩდები და...
ხან თვალებიდან
იწყება ქალი,
ხან თმებიდან და
ხან ტუჩებიდან...


დათო ახლოური - თბილი ღამეა

თბილი ღამეა,
მშვიდი და თეთრი,
შენზე ფიქრებში
გავყუჩდები და...
ხან თვალებიდან
იწყება მდედრი,
ხან თმებიდან და
ხან ტუჩებიდან...


დათო ახლოური - მხოლოდ საათი წიკწიკებს

მხოლოდ საათი წიკწიკებს,
ჩასძინებია ოთახს...
რა გეჩქარებათ ისრებო,
რას წრიალებთ და ოხრავთ.

მცირე ხანს მაინც იყუჩეთ,
თვალს ,,მოატყუეთ" წამით...
იქნება ერთი დღე დამრჩა,
იქნებ ორი ან სამი.



დათო ახლოური - უშენობამ დღეს ცრემლები მომგვარა

უშენობამ დღეს ცრემლები მომგვარა,
ხვალ კი გნახავ - იმედია უფლის...
აღარ მინდა შენთან გაბუტობანა,
აღარ მინდა ეს ოხერი ჩხუბი.

ჰოდა, ახლა, რაც არ მინდა, არ მინდა...
მინდა შენთან გათენდეს და შებინდდეს.
თუ გიყვარვარ, არ დაიწყო თავიდან,
მოდი ახლა - ერთხელ კიდევ შევრიგდეთ!


დათო ახლოური


იმ მანდილს დავლოცავ – დათო ახლოური

იმ მანდილს დავლოცავ,
ქალის ნამუსს,
კოცნის მოლოდინში
თრთოლვით რომ იღლება,
სირცხვილით აწითლებულ
სახეს და ტუჩებს,
კოცნის მოლოდინში
ცეცხლად რომ ინთება.
ქართველი ქალის
ტუჩები დაილოცოს,
ნაღდი მამაკაცის
მუზად რომ იქცევა.


დათო ახლოური - ისევ ვიხსენებ გარდასულ წამებს

ისევ ვიხსენებ გარდასულ წამებს,
აღარც მიწის და აღარც ცისა ვარ.
ჩამომდგარია უკუნი ღამე
და რომ გადავრჩე, შენს მზეს ვფიცავარ.

მარტოსული ვარ უშენოდ ახლა,
მარტოობა კი ცრემლზე მეტია...
თვითმკვლელობა სჯობს და ტყვიის დახლა
უშენობას და სხვასთან ხეტიალს.


დათო ახლოური - " გაგიჟდი? "

,,გაგიჟდი?" - რას მწერო, მიწყრები,
როდესაც კითხულობ ბარათს...
ხომ ხედავ, მე შენით ვიწყები,
მიყვარხარ, დუმილი კმარა.

ამისთვის ნუ გამებუტები,
ნუ გამიბრაზდები ჩემო.
ეგ შენი ბუტია ტუჩები
მიყვარს და მომწონს და ვჩემობ.


დათო ახლოური - მე მხატვარი მინდა ვიყო

მე მხატვარი მინდა ვიყო,
ზღვას და თვალებს დავხატავდი,
ყველა ფიქრს და ყველა სევდას
ქარს და წვიმას გავატანდი.
დიდი ფუნჯით ვრცელ სივრცეზე
უცნობ ფერებს დავხარჯავდი,
იმ ფერებით უსასრულო
ოცნების გზებს დავხაზავდი.


დათო ახლოური - თბილი ღამეა

თბილი ღამეა,
მშვიდი და თეთრი,
შენზე ფიქრებში
გავყუჩდები და...
ხან თვალებიდან
იწყება მდედრი,
ხან თმებიდან და
ხან ტუჩებიდან...