დათო ალოური - ჩემო სამარგალო


მინდა მოგეფერო, ჩემო სამარგალო,
ჩემი ნანა ხარ და მზე ხარ - ღმერთის ნებით.
მინდა ეს დღეები შენთან დავაღამო,
გულში გიხუტებ და როგორ მეთბილები...


დათო ახლოური - დრო გადიოდა

დრო გადიოდა,
სიყვარული
არ მოდიოდა,
უსიყვარულოდ
ზამთარს ვგავდი,
სულში ციოდა...
შემომეფიქრა,
ჩამოთენდა
ფიქრში მგონი და,


დათო ალოური - ლექსი სიყვარული იყო

ლექსი სიყვარული იყო, -
საუბარი ქალთან -
ხან შენთან და,
ხან მასთან და,
ხან უბრალოდ... სხვასთან...


დათო ახლოური - სურვილი მაქვს ავედევნო ამ ქალს

სურვილი მაქვს ავედევნო ამ ქალს
და სახლამდე მიგვაცილოს მთვარემ...
არ დავეძებ უცხო ქუჩის ამქარს,
ჩავიკრავ და დავუკოცნი თვალებს...


დათო ალოური - უფლის ნებით შემომხვდი

უფლის ნებით შემომხვდი და ყოველდღე
მილამაზებ დილასა და საღამოს...
შენც პატარა გოგოსავით მომენდე,
ჩემი ხარ და მეთბილება სამყარო.


დათო ახლოური - დედაო მარიამ


მზე გარდასულაო, დედაო მარიამ,
გმადლობთ, ერთი დღეც რომ დამიღამე...
ცრემლი ამარიდე, დედაო მარიამ,
უკვე ცრემლისგანაც დავიღალე.

ვიცი, მოწყალე ხარ, დედაო მარიამ,
ერთხელ მეც მომაპყრობ წამით თვალებს.
ცოდვას განმარიდე, დედაო მარიამ,-
შენს თბილ საუფლოში წამიყვანე...



დათო ახლოური - წავიდეთ ჩემო პატარა ქალო

წავიდეთ ჩემო პატარა ქალო,
გაზაფხულისკენ გავყვეთ თოლიებს...
ამ სიყვარულში არ დამეღალო,
როცა ტაძრისკენ გაგიყოლიებ...

წავიდეთ, ჩვენთვის ვიცხოვროთ მშვიდად,
არღუნის პირას გაგიშლი ნაბადს.
ფეხზე ჩაგაცმევ ხევსურულ წინდას,
ტანს შეგიმოსავს ჭრელ-ჭრულა კაბა.


დათო ახლოურის ლექსების კრებულიდან

ამბობენ, რომ უცნაური კაცი ვარ,
რაც ვარ, ეს ვარ...
გულს ვერ დავემალები...
ჩემს სიყვარულს სევდის კაბა აცვია
და მიღიმის ნისლისფერი თვალებით.




დათო ახლოური - სოფლის შარაზე

სოფლის შარაზე
ამღვრეული
ნისლი ბანცალებს
და მთვარის ჩრდილში
თეთრი კალმით
სტოვებს ავტოგრაფს...
დაბადებამდე
ერთი ნეკნი ამომაცალეს,
იმ ნეკნის ბედი გამახსენდა
ახლა რატომღაც...


დათო ახლოური - მონატრება


როგორ მომენატრე
ჩემო ფერიაო,
როგორ სიყვარულით გელი...
შენი მონატრება
სევდისფერიაო,
რაღაც უცნაური ფერი...