ალექსი ჭაუჭიძე - მე მელოდია ვიპოვე მზეში

 (ხმები: 6)


მინდა დაგიკრა, ჩუმი ბგერები!
შემოგაქსოვო გრძნობით ფარდები,
გულს შემეხები, მომეფერები,
მერე წახვალ და ისევ გაქრები....

მე მუსიკაში გიპოვე ალბათ,
ახლა კი ჩემს თავს დავკარგავ შენში..
ჩუმი ბგერებიც იბრძვიან სადღაც
და იკვალავენ ოცნებას ჩემში..

მინდა სიცოცხლით შემოვაკედლო,
ჩემი გრძნობები შენს გულს, შორეულს...
ალბათ ვეძებდი სულის სამჭედლოს,
როს ვადუღებდი განცდებს მორეულს...

დუღდა მუსიკა,გულს აჩქარებდა,
თითქოს ვკარგავდი ნოტებს უაზროდ..
გაუაზრებლად ფიქრიც ჩქარობდა,
როგორც ჰანგები ბოლოს უტაქტოდ..

შენი სურნელი მახვევდა თავბრუს,
ვიდექი წუხელ ბავშვივით ჩრდილში..
სიმარტოვეში ვებრძოდი წარსულს,
ვერ ვათავსებდი ოცნებებს ფიქრში..

მე მელოდია ვიპოვე მზეში,
შემოვაქსოვე შენს გულს შორეულს..
ახლა კი ჩემს თავს დავკარგავ შენში,
და შემოგწირავ გძნობას მორეულს...

11.11.2012




ტექსტის სანახავად გაიარეთ რეგისტრაცია.