ალექსი ჭაუჭიძე - ვერ ვერევი განცდებს

 (ხმები: 5)


მენატრები ვერ ვერევი განცდებს,
ფიქრმა ისევ ამირია დღენი..
იქნებ ერთი თბილი სიტყვა დაგცდეს
და ჩამკიდო სიყვარულით ხელი..

ვეღარ ვუძლებ უშენობის წამებს
ეს წამებიც გადამექცა წლებად,
ველოდები უსასრულო ღამეს
ამ ღამეში თოვლიც აღარ დნება...

მოლოდინმა დამამტვრია ფრთები,
ღამეც აღარ გათენდება ვიცი...
მწუხარებამ ამირია გზები,
მეც ამ გზებზე უსაშველოდ გიცდი...

მენატრები ვერ ვერევი განცდებს,
ფიქრმა ისევ ამირია დღენი...
იქნებ ერთი თბილი სიტყვა დაგცდეს
და ჩამკიდო სიყვარულით ხელი!

10.09.2012




ტექსტის სანახავად გაიარეთ რეგისტრაცია.