ალექსი ჭაუჭიძე - ფეხაკრეფით წავიდა წამიც

 (ხმები: 4)


ველი მის განცდებს,ვეღარ ვისვენებ,
დღენი მიდიან,ფეხაკრებით წავიდა წამიც...
მე ეს მოლოდინი სევდას მისველებს,
სევდას დავნამავ და დავალბობ ზღვისფერი ნამით...

ზღვაც ადიდება,შემომხვევს ტალღებს,
მე ეს ტალღები ვადარე შენს თმებს წაბლისფერს..
გრძნობით შევლეწავ დახურულ სარკმელს,
მერე გავფანტავ უხვად მზის სხივებს,სევდისფერს..

სიყვარულშია მხოლოდ საშველი,
სხვა საზრუნავი არ არსებობს ამ ქვეყანაზე,
აღარ მაქვს სევდა,არ მჭირდება ქვეყნად მაშველი
წამი შევაწყვე,უჩუმრად ნავზე...

ნავიც მიჰყვება,გრძნობებს დანამულს,
წვეთ-წვეთად,ფრთხილად ასველებს ფიქრებს..
ფიქრში ვივიწყებ უფერულ წარსულს,
მომავალს ვხატავ და ვფანტავ ნისლებს..

ველი მის განცდებს,ვეღარ ვისვენებ,
დღენი მიდიან,ფეხაკრებით წავიდა წამიც...

15.10.2012




ტექსტის სანახავად გაიარეთ რეგისტრაცია.