ალექსი ჭაუჭიძე - უხმო ნოტი ვარ

 (ხმები: 6)


ლექსით შეგმოსავ, მოგახვევ სტროფებს,
მე ამ სტროფებში დავიდე ბინა...
მერე დაგიწერ საოცარ ნოტებს
აღარ იქნება ჩემს გულში გმინვა..

მუსიკით მინდა მოვიდე შენთან,
მინდა გხატავდე უხვი ფერებით...
შემოვიხიო მინდა ეს სევდა,
სევდა ნატანჯი უხმო ბგერებით...

ჩემი გრძნობები წააგავს ზაფხულს,
მოგონებები მზა შემოდგომას..
ფიქრები ზამთარს,სიმკაცრით ფარულს,
სველ გაზაფხულზე ფიფქების დნობას...

ფიქრებით მუდამ შენსკენ მოვდივარ,
დახუნძლული მაქვს გული გრძნობებით...
მე ამ გრძნობებში უხმო ნოტი ვარ,
და დამტვრეული მძიმე ტოტები...

10.10.2012




ტექსტის სანახავად გაიარეთ რეგისტრაცია.