ბაჩო ბუღაძე - მე დავბრუნდები

 (ხმები: 2)


მე დავიღალე ცალმხრივი გრძნობით, მასთან ჭიდილით,
მე დავიღალე მუდამ ლოდინით, მუდამ ტირილით,
მე დავიღალე განწირული ხმით „მოდი“-ს ყვირილით,
მე დავიღალე! ხო, დამღლელია საუბარი ეგრე ჩივილით,
უკვე მომბეზრდა სულ ცრემლიანი ჩემი თვალები,
უკვე მომბეზრდა ეგ მატყუარა, სულელი ქალები,
უკვე მომბეზრდა თქვენზე ფიქრში დაკარგული ჩემი წამები,
უკვე მომბეზრდა! მე თქვენზე სმენით უბსკრულისკენ მივექანები,
არა, აღარ მინდა, რომ ჩემი გული იყოს თავნება,
არა, აღარ მინდა ჩემი გულის ტკენის სხვას მივცე ნება,
არა, აღარ მინდა კვლავ იფრიალოს სულში დანებმა,
არა, აღარ მინდა! რადგან სიყვარულმაც თავი მანება,
არაფერია, მე გადავიტან გზები თუ გაიყო,
არაფერია, თუ არ ვიცოდი ტკივილი რა იყო,
არაფერია, თუკი ცხოვრებამ კარტი ჩაიწყო,
არაფერია! ყველაფერი ხომ არაფრით დაიწყო?!
უკვე მივდივარ, რომ გავამთელო დაშლილი გული,
უკვე მივდივარ, რომ გადავლახო გზა დიდი, რთული,
უკვე მივდივარ, რომ აღარ გახდეს ცხოვრება ნული,
უკვე მივდივარ! ამ წასვლაში დევს დღეს აზრი ბრძნული!
მე დავბრუნდები დღე რომ გავიდეს ათი, გინდ ასი,
მე დავბრუნდები, რომ ჩემს ადგილზე არ გაჩნდეს ხავსი,
მე დავბრუნდები, რადგან ცხოვრებას ვეცეკვო ვალსი,
მე დავბრუნდები! ცხოვრებამ მომცა მე ამის შანსი!
დამილოცნია ვინც შემამჩნია მე თავის გზაზე,
დამილოცნია ვინც მე არასდროს არ გამცვლის სხვაზე,
დამილოცნია, ვინც ამ ლოცვას მიიღებს საკუთარ თავზე,
დამილოცნია! ვისაც კი ცრემლი ჰქონია თვალზე!





Loading...

ტექსტის სანახავად გაიარეთ რეგისტრაცია.