ბაჩო ბუღაძე - ისეა ისევ

 (ხმები: 2)



ისევ შეეხება თოვლივით თეთრ ფურცელს ჩემი კალამი
ისევ ვიტყვი და დავწერ: “ჩემო მკითხველო თბილი სალამი”
ისევ დავხუჭავ თვალებს აწ უკვე ცრემლიანს,
ისევ გავუყვები ფიქრებს - დაჭრილს, სევდიანს,
ისევ შეეხება ჩემი თითები ძველისძველ როიალს,
ისევ დამცინებთ მე ამ გრძნობისთვის, ასე მგონია,
ისევ იყვირებს გულის სიღრმეში ტკივილი, სევდა,
ისევ იყვირებს გულში მარტოობა, რომელიც მსდევდა,
ისევ ვერ გავძლებ გაგიჟებული კვლავ დავლევ სასმელს,
ისევ დავთვრები რადგან ვერასდროს ვერ ვამბობ სათქმელს,
ისევ გავივლი ჩემს ძველ ქუჩებში ცრემლით დაცლილი,
ისევ დავბრუნდები სახლში სევდიანი, სისხლით დასვრილი,
ისევ შენ მოგწერ თითქოს უდარდელი და ხუმრობით სავსე,
ისევ არ გაგრძნობინებ რომ განწირული ვკიდივარ ხავსზე,
ისევ შემოგხედავ და დაინახავ მომღიმარ სახეს,
ისევ ვერ ვარქმევ მე ამ ყველაფერს საკადრის სახელს,
ისევ გავიხუმრებ, არ გაგრძნობინებ ჩემს სევდას, ტკივილს,
ისევ გაგაცინებ და არ დავიწყებ მე შენთან ჩივილს,
ისევ გავხდები ის ვინც გინდოდა ჩემში გენახა,
ისევ ძნელია ამხელა ტკივილის გულში შენახვა,
ისევ ვერ შეამჩნევ ტკივილს ჩემს თვალებში,
ისევ დაივიწყებ შენ ამ ყველაფერს წუთებში, წამებში,
ისევ აღელდები და დაგამშვიდებს ჩემი სიტყვები,
ისევ, მე კი ისევ ტკივილით სავსე ბილიკს მივყვები,
ისევ ისეთი ვიქნები როგორიც ახლა ვარ, არ შევიცვლები,
ისევ ვერ გაიგებ როცა მოვიწყენ ან შევიშლები,
შენ კი ძველ სიყვარულს ვერ ივიწყებ და კვლავ მას მისდევ,
ჩემი გრძნობები კი შენდამი სულ არ შეცვლილა, ისეა ისევ.






Loading...

ტექსტის სანახავად გაიარეთ რეგისტრაცია.