კახა დოლიძე - იყავი აწმყო, გახდი წარსული

 (ხმები: 3)


იყავი აწმყო, გახდი წარსული,
გულს, შენს სახელსაც ვერ გავახსენებ...
სულის კუნჭულში, გადამალული,
ახმაურდი და აღარ მასვენებ.
მინად დამსხვრეულ ნერვებს ჩამორჩა,
მაინც დაგორდა დაღლილ წამწამზე,
ვერ დავინახე, ალბათ გამომრჩა,
ცრემლად დაგკარგე სიბერის ზღვარზე.
ყოველთვის ვგრძნობდი, დარდი მელოდა,
ისე მიყვარდი, იმდენად მსურდი,
ვცდილობდი ვნება გადამრჩენოდა...
ვერ გავარჩიე კარგი და ცუდი.
ვერ დაგპირდები,თავად არ ვიცი,
გტოვებ, დაღლილს და ჩემგან ნაწამებს,
ოღონდ იცოდე, დღემდე განვიცდი,
ცრემლი რომ გამტვრევს დაღლილ წამწამებს ...

KAXA DOLIDZE.




ტექსტის სანახავად გაიარეთ რეგისტრაცია.