კახა დოლიძე - დაუსრულებელ, მუდმივ კორიდას

 (ხმები: 0)


დაუსრულებელ, მუდმივ კორიდას,
შენ დაამსგავსე სიცოცხლე ჩვენი,
დღეები, ტაშს და სიკვდილს მოგვიტანს,
ზიზღს და სინანულს, მოგვიტანს წლები.
მე რომ მცოდნოდა, ამ ტანჯვის ფასად,
მარგუნა ღმერთმა, შენი ალერსი,
არ გავყვებოდი ოცნებებს არსად,
ავიცილებდი, ხმლის პირს ალესილს.
სულ მიმეტებდი, ტკივილებისთვის,
ახლა დაჩოქილს, მთხოვ წამოდგომას,
მეფე ვიყავი, ყველგან, სხვებისთვის,
შენ მიმაჩვიე, მუხლებზე დგომას.
ასი იარა, მიკაწრავს სხეულს,
მათ განკურნებას, დრო მოუნდება.
რამდენი ტკენაც მარგუნე ეულს,
ათასჯერ მეტი დაგიბრუნდება.
ჩემი ნატანჯი სხეულის ფასად,
გიღირდა ნუთუ ერთი ალერსი?!
არსად იყავი და დარჩი არსად...
სული მატკინე, შენ ეს არ გესმის...

KAXA DOLIDZE.

18.04.14.




ტექსტის სანახავად გაიარეთ რეგისტრაცია.