კახა დოლიძე - განეშორნენ მზე და მთვარე

 (ხმები: 0)


განეშორნენ მზე და მთვარე,
ერთად ყოფნა ვეღარ შეძლეს.
მზეს დღე ერგო, მთვარეს ღამე,
ერთმანეთი მოიბეზრეს.
იღვრებოდა მზე სხივებად,
მთვარე, მის სხივს გაურბოდა,
გლუვ მინებზე ბაჭიებად,
ცელქი ათინათი ხტოდა.
დღის და ღამის გასაყართან,
შეხვდებიან ერთი წამით,
მზე მიიწევს მეგობართან,
ვეღარ ნახავს იცის ღამით.
მთვარე უხმობს: ,,მზევ მომინდი,
მინდა ისევ შენთან ვიყო"
მაგრამ დარჩა მხოლოდ ბინდი,
სიყვარული გამქრალიყო...

KAXA DOLIDZE.

24.03.14




ტექსტის სანახავად გაიარეთ რეგისტრაცია.