კახა დოლიძე - ეს ბილიკი, შენს კარებთან მომიყვანს

 (ხმები: 3)


ეს ბილიკი, შენს კარებთან მომიყვანს,
მეგზურებად, მომყვებიან პეპლები,
შემოვალ და ჩემს დაღლილ გულს მოგიტან,
გეფიცები, მეტი არ გაგეყრები.
შენმა ბრაზმა, უცნაურმა მოქცევამ,
სიხარული, მწუხარებად მიქცია.
გეკითხები, გყოფნის გულის მოცემა?!
პასუხი ხომ, მაშინ, არ გაგიცია.
ეს წალკოტი ჩემიც იყო ოდესღაც,
კიბეებთან სკამზე გელი, ვერ ვდგები,
ვფიქრობ, ბედი, უსამართლოდ მოგვექცა...
მიტევების ნიჭით, ვერ შეგედრები.
პატიებას არ მოველი, რად მინდა,
ეს მოვლილი ბაღი იყოს პასუხი.
მოდი, ვიდრე მზე უშენოდ ჩავიდა,
მოდი, გვერდით მომიჯექი, რას უცდი?!

KAXA DOLIDZE.

09.05.14



Loading...

ტექსტის სანახავად გაიარეთ რეგისტრაცია.