კახა დოლიძე - კავშირში მყოფი, შვიდიოდ სიტყვა

 (ხმები: 2)


კავშირში მყოფი, შვიდიოდ სიტყვა,
ჩადებულია, ამ ლექსში კოდად.
მინდა, არ თქმული, ტკივილი გითხრა,
დღემდე, ვერაფერს ვახერხებ ჰოდა...
ალისფერ ალმით, ტალღებს მიაპობ,
მენატრებოდი, ბევრი გეძახე,
ვერ გაგაგონე, როგორ გიამბო,
მარადიული გრძნობის შესახებ?!
უფალმა იცის და ჩემმა გულმა,
სავსემ რწმენით და ხვალის იმედით,
მე მხოლოდ შენი პაჟობა მსურდა
და სიბერემდე პაჟად მივედი.
დღემდე გრძელდება, ეს მოლოდინი,
ჩაკარგული ვარ, შენს თბილ ღიმილში.
ვინ დამანათლა, მარტოდ ბოგინი,
ათწლეულების გრძელ ლაბირინთში...

KAXA DOLIDZE.

04.07.14.



Loading...

ტექსტის სანახავად გაიარეთ რეგისტრაცია.