კახა დოლიძე - მაჯადოვებს სიმყუდროვე

 (ხმები: 1)


მაჯადოვებს სიმყუდროვე, შევნატრი,
კართან მოსვლა მომინდა და ვერ ვბედავ,
ამ განწყობას, სასოებას შევადრი.
მომკალი და აქ მასპინძლად შენ გხედავ.
გულმა გიგრძნოს, გამოაღე კარი და
შემომიშვი დარცხვენილი სტუმარი,
გავიფიქრებ, თუ თვალი ამარიდა,
ეს იქნება სამუდამო უარი.
ხომ გახსოვარ?! მე აქედან წავედი,
სულ ცოტა ხნით გავიხურე კარი და...
დაგიბრუნდი, თუმცა უკვე დავბერდი,
ვეღარაფერს დაგპირდები თავიდან...
ეგებ, მაინც აგიცრემლდეს თვალები,
ეგებ, მაინც ჩემი გახდე ხვალიდან,
მიმიღე და სამუდამოდ დავრჩები,
ოღონდ ახლა გამოაღე კარი და...

kaxa dolidze.

06.03.14



Loading...

ტექსტის სანახავად გაიარეთ რეგისტრაცია.