კახა დოლიძე - ზღვაში ვხედავ შენს ორეულს

 (ხმები: 2)


ზღვაში ვხედავ შენს ორეულს, ვეძახი,
საპასუხოდ ის თავისთან მიხმობს
ოცნება ხარ, მაგრამ ფრთა ვერ შეგასხი,
არა უშავს, როგორც არის, იყოს.
არ გამიშვა, არ გამაგდო ოღონდ და
დანარჩენი დალაგდება, ალბათ.
გული, შენთან, ისე დიდხანს მომქონდა,
მოიწყინა და დაეტყო დაღლა.
შენ ჰორიზონტს, სხვა ფერებით მიხატავ,
მიალერსებ,ალერსით ვერ მაძღობ,
შენამდე ხომ არასოდეს მიყვარდა,
შეცდომებსაც შენთან ერთად ვსწავლობ.
უიალქნოდ შემოგყევი ზღვაში და
ჰორიზონტზე, ატალღებულს გეძებ,
მაპატიე, გული რომ ვერ დამშვიდდა,
დამეხმარე, დამიყვავე...შევძლებ !!!
შენი გულის მშვიდი თავშესაფარი,
როცა მეტყვი მოგაწყდები ტალღად.
გამიგრძელე, ეს ფერადი ზღაპარი,
არ მაცალო სიყვარულში დაღლა!!!

KAXA DOLIDZE.

24.05.14.



Loading...

ტექსტის სანახავად გაიარეთ რეგისტრაცია.