კახა დოლიძე - ზღვის ფარდა ფონად

 (ხმები: 1)


ზღვის ფარდა ფონად,
საოცრად გშვენის.
გამოგიმეტა ტალღამ, გაგრიყა...
მხოლოდ აქ არის ადგილი შენი,
აქაურობას ისე აკლიხარ.
ხვალიდან ისევ დაგავიწყდები.
გულს დააკლდები ისევ...მგონია...
შეგენაცვლება თავდავიწყებით,
ძვეეელი სტუმარი-მელანქოლია...
ოცდათორმეტი წელი და კვირა,
სამჯერ იელვე...ისე გავიდა.
ოცდათორმეტი ტკივილი მტკივა,
წამებად ქცეულ წელიწადიდან.
შენ ხარ მზის სხივი გაყინულ წყალში.
შენ ხარ ყველაზე საამო ელდა.
ამ გაელვებით დამტოვე ვალში,
ფუჭად გაფლანგულ საკუთარ წლებთან.

kaxa dolidze.

2013.



Loading...

ტექსტის სანახავად გაიარეთ რეგისტრაცია.