კახა დოლიძე - მსხვერპლი

 (ხმები: 2)


მსხვერპლი, უბირთა გულცივობის, მიუსაფარი,
რამდენ ჩვენნაირს, ოცნებები დაუსამარდა,
ცხადში ამხდარი სიზმარი, თუ მწარე ზღაპარი,
არაზღაპრულად დაიწყო და უცებ დამთავრდა.
დაუნდობელი სამყაროსგან შველა არ არი,
ასე დავურჩით, ამაოებას, გულით შემთბარი,
გვყავს ერთმანეთი, აღარაა, არსად, არავინ,
არც მეზობელი, არც ნათესავი, არც მეგობარი.
ვეჩურჩულებით, რაც აქამდე გადაგვხდენია,
ერთმანეთს ვჩუქნით, უმომავლო, უსასო გულებს,
წარსული დარდი, უმწეობა, მხოლოდ ჩვენია,
შემცოდებელი არ გვყოლია, არ გვიერთგულეს.
მე მეშინია, მაგრამ შენთვის, გავხდი გულადი,
დღეიდან, არვის დავანებებ, შენს წყენინებას,
შეიძლებოდეს, ამ გულს საბნად გადაგხურავდი,
გავუყვებოდით, დარჩენილი, დროის დინებას.
არ მოიწყინო, მოგეფერები, რაც შემიძლია,
მიმწუხრში, ჩვენი ჩახუტება, ბედმა ინება,
ჩვენთვის, მთავარი, ამაღამდელი მშვიდი ძილია,
უფლის ნებაა და წყალობა, ხვალ რაც იქნება...

*************************************

KAXA DOLIDZE.

15.02.15.



Loading...

ტექსტის სანახავად გაიარეთ რეგისტრაცია.